فاروق دینچ پەرلەمانتاری هودا پار لە میانەی بەشداری لە بەرنامەی مەولودی پێغەمبەر لە ئەدەنە  وتی، "سەهیۆنییەکانی ناوخۆیی هەوڵی دەرێنانی ئەخلاقی پێغەمبەر لە نێومان دەدەن."

وەقفی ئەڤیندارێن پێغەمبەر لە ئەدەنە بەرنامەی مەولودی پێغەمبەر رێکخست.

فاروق دینچ یاریدەدەری سەرۆکی گشتی هودا پار و پەرلەمانتاری مێرسین لە میانەی بەشداری لە بەرنامەکە وتارێکی پێشکەش کرد.

دینچ وتی، "برا بەڕێزانم! ١٥٠٠ ساڵ تێپەڕیوە بەڵام هێشتا خەڵک دەڵێن ئەی پێغەمبەری خوا. گەلەکەمان پڕ بووە لە خۆشەویستی بۆ پێغەمبەر. سەیرکە ئێستا گۆڕەپانەکە پڕ بووە چونکە دەزانین ڕزگاربوون لە حەزرەتی موحەممەد (صلی الله علیه و سلم)دایە. ئەمڕۆ ساختەچی دیموکراسی و جینۆسایدکارمان بینی. دۆڕان، براوەکان لایەنگرانی حەزرەتی موحەممەد (صلی الله علیه و سلم)ن."

هەروەها وتی، "خوشک و برا ئازیزەکانم! پێم خۆشە بە تابلۆیەک دەست بە قسەکانم بکەم. پێغەمبەر (صلى الله عليه وسلم) لە شەڕی ئوحد بوو. ئەم شەڕە یەکێک بوو لەو شەڕانەی کە زۆرترین زیانی پێگەیشت. لە کاتێکدا ژمارەی هاوەڵانی دەوروبەری پێغەمبەریش کەمی کردبوو. تەنانەت کاتێک موشریکەکان موسعەب بن عومێریان شەهید کرد کە لە پێغەمبەرمان دەچوو، دەیانگوت موحەممەدمان کوشت. لەو ساتەدا ئەسحاب تووشی شۆکێک بوون. لە ڕاستیدا یەکێک لە هاوەڵەکان بە ناوی سەعد بن عوسمان ڕادەکاتە سەر شەقامەکانی مەدینە و دەڵێت حەزرەتی موحەممەد کۆچی دوایی کردووە. لەو کاتەدا پێغەمبەر (صلی الله علیه و سلم)، عبدالله ئوم مەکتوم کە چاوکانی کوێر بوو، وەک کارگێڕی بە وەکالەت لە مەدینە لە شوێنی خۆی بەجێهێشت. ئوم مەکتومیش گوێی لەم دەنگە بوو کە لە شەقامەکانی مەدینەدا دەنگی دەدایەوە و بە سروشتی خۆی کەوتە ناو شەقامەکانەوە و خۆی بە دیوارەکاندا دەکێشا و بە پێ دەڕۆیشت و دەیگوت بمبە بۆ ئوحود. خوشک و برا خۆشەویستەکانم، ئوم مەکتوم دەیگوت ئەگەر ئەخلاق و ژیان و فێرکارییەکانی حەزرەتی موحەممەد لەناوماندا نەمێنن، بەخوا هیچ بەهایەکمان نابێت. بە زانینی ئەمە ڕژایە سەر شەقامەکان. بەڵێ هەر ئەم خۆشەویستییەیە ئەمڕۆ ئێوەی گەیاندۆتە ئێرە الحمد لله. ئەگەر ئەمڕۆ ئەخلاقی پێغەمبەر لەناوماندا نەمێنێت، ئێمەش دەبێت بچینە سەر شەقام. ئەگەر ئەمڕۆ ئەخلاقی پێغەمبەر لە قوتابخانە و پەرلەمان و نەخۆشخانە و هەموو دامودەزگاکانی تری ئێمەدا ئامادە بێت ئەوە بەنرخە."

ناوبراو لە بەردەوامی سەبارەت بە سەهیۆنییەکانی ناوخۆیی وتی، "ئەمڕۆ برایانم، سەهیۆنییەکانی ناوخۆیی هەن کە لە خەباتدان بۆ لابردنی بەها ئەخلاقییەکانی پێغەمبەرمان لە نێو ئێمەدا. ئەمڕۆ لە ڕێگەی ئیمپریالیزمی کولتوورییەوە هەوڵ دەدەن بە پیتەکانی 'x' و 'y' گەنجەکانمان لە نەوەکاندا بگونجێنن. هەوڵی کۆیلەکردن دەدەن. ئەوان بەو عەقڵیەتە گەنجەکانمان دەبەن کە 'نەوەی ز' دەتوانێت هەرچییەک بیەوێت بیکات. ئێمە لە هیچ نەوەیەکدا جێی نابێتەوە. ئێمە شوێنکەوتوانی حەزرەتی موحەممەدین. ئێمە نەوەی 'ئەلیف'، 'لام'، 'میم'ی قورئانین. ئێمە نەوەی ئەو کەسانەین کە وەک حەزرەتی عومەر، وەک شێخ سەعید، وەک شەهید ساجید، وەک شەهید جەنگیز تۆپچوئۆغڵو، وەک 'ئەلیف' بەرز وەستاوین. ئێمە شوێنکەوتووی بیلالی حەبەشی و عەمار بن یاسر و سومەیەیین کە بە وتنی 'ئەحەد' کوفریان ڕەتکردەوە. ئێمە عەلی و عەمار و موسعەب و عوبەیدە و سینواری زەمانین. ئێمە لەگەڵ ستەملێکراودا وەستاوین، بەرامبەر ستەمکار."

دینچ لە کۆتاییدا باس لە گرنگی یەکێتی کرد و وتی، "ئەمڕۆ لە غەززە براکانتان جیهاد دەکەن. لە هەموو شوێنێک رادەگینین کە ئێمە لەگەڵیانین. هەوڵ دەدەن غەززەکەمان، قودسەکەمان بڕوخێنن. نەوەکانمان لێمان بستینین. وەک چۆن لە سەردەمی مەککەدا کچان بە زیندووی نێژران، ئەمڕۆ کچان و ژنانی ئێمە بە زیندوویی لەلایەن سەهیۆنییە ناوخۆییەکان و بەرژەوەندییە بازرگانییەکانیانەوە دەنێژرێن، کە هیچ پەیوەندییەکیان بەوانەوە نییە. خوشک و برا بەڕێزانم لەو شوێنە هەڵدەستین کە کەوتین. لە دۆزی تەوحیددا یەکدەنگ دەبین. ئێمە ناکۆکیەکانمان لادەبەین و ئامانجمان لەناوبردنی سەهیۆنیزم و ئیمپریالیزم دەبێت. إن شاء الله ئەو ڕۆژە هەموومان پێکەوە سەرکەوتوو دەبین."(İLKHA)